पुनर्निर्माण अपडेट

अनुदान लिने समयसीमा थप

प्रकाशित मिति: २०७६-११-२९

काठमाडौं, फागुन २८
भूकम्पप्रभावित लाभग्राही एवं जनप्रतिनिधिहरुको अनुरोध एवं सुझावमा पुनर्निर्माण प्राधिकरणले निजी आवास पुनर्निर्माण तथा प्रवलीकरण अनुदान लिने समयसीमालाई विस्तार गरेको छ ।
नयाँ समयसीमा अनुसार छुट तथा पुनः जाँच सर्वेक्षण २०७५/०७६ बाट लाभग्राही कायम भएकाहरु, प्राधिकरणबाट २०७६ मंसिरपश्चात कायम भएका जोखिम तथा भूमिहीन लाभग्राहीहरुले २०७६ चैत्र मसान्तसम्म सम्झौता गरी पहिलो किस्ता लिनुपर्नेछ ।
अन्य सबै पुनर्निर्माण तथा प्रवलीकरण लाभग्राहीहरुमध्ये अनुदान सम्झौता गर्न बाँकी वा अनुदान सम्झौता गरी पहिलो किस्ता लिन बाँकी लाभग्राहीहरुले सम्बन्धित स्थानीय तहको सिफारिसमा पुनर्निर्माण जिल्ला सहजीकरण समितिको निर्णय अनुसार २०७६ चैत्र मसान्तसम्ममा अनुदान सम्झौता गरी पहिलो किस्ता लिनु पर्नेछ ।
यसरी लाभग्राही भएका एवं २०७६ माघ मसान्तभित्र पहिलो किस्ता लिएका लाभग्राहीहरुले आगामी २०७७ असार मसान्तसम्मा दोस्रो किस्ता लिनु पर्नेछ ।
सम्पूर्ण लाभग्राहीले निजी आवास पुनर्निर्माणको तेस्रो एवं अन्तिम किस्ता लिने समयसीमा २०७७ मंसिर मसान्त तोकिएको छ ।
भूकम्पप्रभावित पुनर्निर्माण लाभग्राहीले निजी आवास बनाउनका लागि तीन किस्तामा तीन लाख रुपैयाँ र प्रवलीकरण लाभग्राहीले आंशिक क्षति पुगेको घर प्रवलीकरण गर्न दुई किस्तामा एक लाख रुपैयाँ अनुदान पाउँछन् ।

 

Share on

भिडियो ग्यालरी+ थप

Twitter Feed

फोटो ग्यालरी + थप

भिडियो ग्यालरी + थप