पुनर्निर्माण अपडेट

अति प्रभावित १४ जिल्लाका ७१ प्रतिशत लाभग्राही पुनर्निर्माणमा

प्रकाशित मिति: २०७४-११-१४

काठमाडौं, फागुन १४
राष्ट्रिय पुनर्निर्माण प्राधिकरण स्थापना भएको दुई बर्ष दुई महिनामा भूकम्प अति प्रभावित १४ जिल्लाका ७० प्रतिशतभन्दा बढी लाभग्राही निजी आवास पुनर्निर्माण प्रक्रियामा संलग्न भएका छन् ।
प्राधिकरणको फागुन १४सम्मको तथ्याङ्कअनुसार भूकम्प अतिप्रभावित १४ जिल्लामा१ लाख २ सय ३६ घरको पुनर्निर्माण सम्पन्न भएको छ र ३ लाख ३२ हजार ३ सय २१ घर पुनर्निर्माण भइरहेको छ ।
अति प्रभावित १४ जिल्लाका कुल ६ लाख ६७ हजार ६ सय ६२ लाभग्राहीमध्ये ६ लाख १० हजार ५ सयसँग अनुदान सम्झौता भइसकेको छ ।
पाँच बर्षको कार्यादेशसहित सरकारले २०७२ पुस १२ गते स्थापना गरेको प्राधिकरणले निजी आवास पुनर्निर्माणलाई पहिलो प्राथमिकतामाराखेर काम गरिरहेको छ । यही अनुपातमा निजी आवास पुनर्निर्माणको काम अघि बढे आगामी बर्खाअघि करिब ६० प्रतिशत पुनर्निर्माण भइसक्ने प्राधिकरणको आंकलन छ । 
निजी आवास पुनर्निर्माणको समयसीमा तोकिएको र प्राविधिकहरु स्थानीय स्तरमा परिचालन गरिएको, डकर्मी तालिम व्यापक रुपमा संचालन गरिएको एवं निर्माण सामग्री तथा काठको आपुर्ति सहज भएकाले जिल्लामा घर बनाउने लाभग्राहीकोृ संख्या उल्लेख्य रुपमा बढेको प्राधिकरणका प्रमुख कार्यकारी अधिकृत युवराज भूसालले बताउनुभयो । 
उहाँले भन्नुभयो,‘हामीले स्थानीय जनप्रतिनिधि तथा लाभग्राहीसँग अन्तत्र्रिmया गरेर पुनर्निर्माणका लागि थप प्रोत्साहन गरिरहेका छौं, त्यसैले आउँदो बर्खाअघि करिब ६० प्रतिशत लाभग्राहीलाई छानोमुनि ल्याउने लक्ष्य पूरा हुनेमा हामी विश्वस्त छौ ।’
भूकम्प कमप्रभावित १८ जिल्लामा बनिसकेका र बन्दै गरेका घरको विवरण प्राधिकरणको केन्द्रीय सूचना प्रणालीमा समाविष्ट भइसकेको छैन । ती जिल्लामा निर्माणाधीन र निर्माण सम्पन्न घरको संख्या सूचना प्रणालीमा आए यो आंकडा अझै बढ्ने प्राधिकरणका प्रबक्ता यम लाल भूसालले बताउनुभयो ।
ती जिल्लामा रहेका कुल १ लाख ४३ लाभग्राहीमध्ये अनुदान सम्झौता भएका ९० हजार ८ सय ५० को पछिल्लो तथ्याङ्क आउने क्रममा रहेको सूचना व्यवस्थापन तथा संचार शाखाका प्रमुख मनोहर घिमिरेले जानकारी दिनुभयो ।

 

Share on

भिडियो ग्यालरी+ थप

Twitter Feed